Here is the song lyric of Andy M. Stewart : and you can also sing and watch music video
My heart was ance as blythe and free
As simmer days were lang,
But a bonnie westlin weaver lad
Has gart me change my sang.
Tae the weaver's gin ye go fair maid,
Tae the weaver's gin ye go,
I rede ye richt, gang ne'er at nicht,
Tae the weaver's gin ye go.
My mither sent me tae the toon
Tae warp a plaiden wab;
But the weary weary warpin o't
Has gart me sigh and sab.
A bonnie westlin weaver lad
Sat workin at his loom
He took my heart as wi a net
In every knot and thrum.
I sat beside my warpin-wheel
And ay I ca'd it roun'
But every shot and every knock
my heart it gae a stoun.
The moon was sinkin in the west
Wi' visage pale and wan,
As my bonnie westlin weaver lad
Convoy'd me thro' the glen.
But what was said or what was done
Shame fa' me gin I tell
But Oh, I fear the kintra soon
Will ken as weel's mysel.
Andy M. Stewart - Tae The Weaver's Gin Ye Go Lyrics © copyright notice
All Andy M. Stewart - Tae The Weaver's Gin Ye Go lyrics are property and © copyright of their respective owners.
All Tae The Weaver's Gin Ye Go lyrics provided for educational purposes only.
Generated on 2018-03-21 23:42:32 in under 1 µ seconds